Autoriteti Kombëtar për Sigurinë Kibernetike (AKSK) zhvilloi në datat 27-28 Maj trajnim për punonjësit e Departamentit të Teknologjisë së Informacionit në Policinë e Shtetit.
Qëllimi i këtij trajnimi dy ditor ishte të njohë dhe të ndërgjegjësojë personelin e IT/CT
në fushën e sigurisë kibernetike, t’i aftësojë ata për përgjigjen ndaj incidenteve kibernetike dhe t’i përgatisë për identifikimin e kërcënimeve.
Trajnimi u nda në këto faza:
- Prezantimi dhe ndërgjegjësimi lidhur me masat e sigurisë kibernetike dhe menaxhimi i rrezikut;
- Table Top Exercises (TTX);
- Cyber Drill (CD)- Simulime reale të incidenteve të sigurisë kibernetike.
